«Террористік акт қаупі төнген кезде қалай әрекет ету керек?»

22 шілде Шал ақын ауданының ОАК — да "Террористік акт қаупі төнген кезде қалай әрекет ету керек?" атты сұрақ — жауап сағаты өткізілді, оның барысында библиограф К. Ж. Аманжолова Бесландағы қайғылы оқиғалар туралы айтып берді, "террор", "терроризм", "террористер" анықтамалары берілді.

 

Террористік жағдай туындаған кездегі мінез — құлық ережелеріне, күдікті заттарды табуға ерекше назар аударылды, азаматтық қырағылық танытудың маңыздылығы, терроризмнің құрбаны болмау, терроризмге қалай қарсы тұруға болатындығы және террористік акт қаупі төнген жағдайда өзіңізді және жақындарыңызды қалай қорғауға болатындығы туралы әңгімелесті.

 

Кездесу барысында қатысушылар қазіргі әлемдегі терроризмнің себептері мен нысандарын, сондай-ақ қоғамдағы бейбітшілік пен қауіпсіздікті сақтаудың маңыздылығын талқылады. Елдегі, қаладағы тыныштық пен тәртіп үшін әркімнің жауапкершілігі туралы әңгімелестік. Қатысушылар талқылауға белсенді қатысып, өз пікірлерін білдіріп, сұрақтар қойды.

"Террористік акт қаупі төнген кезде қалай әрекет ету керек?» атты жадынама таратылды.