«Тұлға. Шығармашылық. Өмір» өлкетану беті

Педагог және өлкетанушы Қ.М. Мұқановтың туғанына 90 жыл толуына орай 26 қыркүйек күні аудандық кітапханада "Тұлға. Шығармашылық. Өмір" өлкетану беті өткізілді. Іс-шараға қазақ орта мектебінің жоғарғы сынып оқушылары қатысты. Жүргізуші кітапханашы М.С. Әміржанова іс-шара қатысушыларын Қ. М. Мұқановтың өмірбаянымен таныстырды. Кітапханашы білім ардагері Қ. М. Мұқанов 20 жылдан астам Солтүстік Қазақстан облысы облыстық білім басқармасы меңгерушісінің орынбасары болып жұмыс істегенін, оның тікелей басшылығымен көптеген білім беру іс-шаралары мен жобалары іске асырылғанын, оның есімімен ауылдарда интернаттардың ашылуының белсенді кезеңі байланыстырылғанын, сонымен қатар, ол қазақ тілінде оқытатын мектептерді құру мен дамытудың серіктесі болғанын айтты. Қ.М.Мұқанов сол кездегі Сергеев ауданының Городецкое орта мектебінің директоры болып 12 жыл жұмыс істегендігі туралы ақпарат қатысушыларда қызығушылық тудырды. Іс-шара барысында С.Мұқанов атындағы Облыстық кітапхана қызметкерлері жасаған "Қайролла Мұқановтың өмір жолы мен шығармашылығы" атты бейнефильм көрсетілді. Жүргізуші жиналғандардың назарын педагогикалық еңбек ардагері Қайролла Мұқанұлы Мұқановтың есебінде 20-дан астам авторлық кітап, жүздеген мақалалар мен материалдар бар екеніне аударды. Іс-шараға «Елдің қалаулы азаматы» көрмесі ұйымдастырылды.