«Адалдық – өмірдің негізі» құқықтық ақпарат сағаты

16 шілде күні «Аю-Тас» жазғы сауықтыру лагерінде «Адалдық – өмірдің негізі» атты құқықтық ақпарат сағаты өтті. Іс-шараның мақсаты – өскелең ұрпақтың құқықтық мәдениетін қалыптастыру, адалдыққа, жауапкершілікке және заңды құрметтеуге тәрбиелеу. Кездесу барысында балалар өмірде, оқуда және қоршаған ортамен қарым-қатынаста адал болудың маңыздылығы туралы әңгімелесті. Қатысушылар дұрыс таңдау жасап, ар-ожданға сай әрекет ету қажет болатын түрлі өмірлік жағдайларды талқылады. Сондай-ақ, адалдық, өз іс-әрекетіне жауапкершілікпен қарау және сыбайлас жемқорлықтың қоғамға тигізетін кері әсері мәселелеріне ерекше назар аударылды.   Библиограф Аманжолова Қ.Ж. қатысушыларды «Сыбайлас жемқорлыққа ЖОҚ дейміз!» атты кітап көрмесінде ұсынылған әдебиеттермен және құқықтық тақырыптағы ақпараттық материалдармен таныстырды. Ұсынылған кітаптар мен басылымдар балаларға адалдықтың, әділдіктің және заңды құрметтеудің маңызын тереңірек түсінуге көмектесті.