«Аркадий Райкин: шағын көріністен аңызға дейін»  ретроспективалық кеш

2 қазан күні Шал ақын ауданының орталық кітапханасында кеңестік эстрада және кино өнерінің көрнекті актері, театр режиссері, жазушы-сатирик, жоғары деңгейдегі әзіл мен сатира өнерінің символына айналған Аркадий Исаакович Райкиннің туғанына 115 жыл толуына орай «Аркадий Райкин: шағын көріністен аңызға дейін» атты ретроспективалық кеш өтті.

Іс-шараның мақсаты: фотосуреттер, көпшілікке таныс бейнелер мен сүйікті эстрадалық қойылымдар арқылы Аркадий Райкиннің шығармашылық мұрасын еске түсіру, қонақтарға сүйікті өнер адамдары мен теледидар кештерін еске алатын жылы ностальгиялық көңіл күй сыйлау.

Кездесуге «Калейдоскоп» клубының мүшелері қатысты. Кеш жүргізушісі, кітапханашы Т.В. Фогель қонақтарды уақытқа шағын саяхат жасауға шақырды. Ол кезде кешкі уақытта бүкіл отбасы теледидар алдына жиналып, экраннан Аркадий Райкиннің көрінуі көрермендерге әрдайым күлкі сыйлап, оның өнерін соңына дейін тыңдауға деген қызығушылық тудыратын.

Кеш барысында өнерпаздың шығармашылығымен қатар, таныс дауыстар мен бейнелер күнделікті өмірдің ажырамас бөлігіне айналған ерекше кезең де еске алынды. Кездесуге «Аркадий Райкин: шағын көріністен аңызға дейін» атты аттас слайдтық презентация ерекше әсерлі атмосфера сыйлады. Экраннан актердің фотосуреттері, әр жылдардағы түсірілімдер мен оның шығармашылық жолы туралы материалдар көрсетілді. Көпшілікке таныс эстрадалық қойылымдар қонақтарға күлкі, естелік және қызу әңгіме сыйлады. Көптеген қонақтар үшін бұл кездесу ұлы өнерпазбен ғана емес, өздерінің жастық шағының бір бөлшегімен қауышқандай әсер қалдырды. Саяхаттың жалғасы «Сахна саңлақтары» атты кітап көрмесі болды. Көрмеге театр және теледидар өнері туралы кітаптар мен жарияланымдар, Аркадий Райкинмен сұхбаттар, оның өмірі мен шығармашылығы жайлы мақалалар, кеңестік сахнаның танымал актерлері туралы деректі материалдар қойылды. Сонымен қатар «Караван», «Домашний очаг» заманауи журналдарына танымал актерлер туралы жарияланған материалдар ұсынылды. Бұл өткен дәуірдің сүйікті өнерпаздары мен бүгінгі күннің жұлдыздарын байланыстыратын өзіндік көпір қалыптастырды.