"Кітапхана арқылы ақпарат әлеміне" библиография күні

Кітап пен оқуды ілгерілету, оқырмандардың ақпараттық-библиографиялық мәдениетін арттыру, ақпараттық-іздестіру іс-әрекетінің дағдылары мен ептілігін қалыптастыру, кітапханалар беделін арттыру мақсатында 16 сәуірде Шал ақын ауданының ОАК-да "Кітапхана арқылы ақпарат әлеміне" атты библиография күні өткізілді. Библиограф Қ.Ж. Аманжолова Е.А.Бөкетов атындағы гимназия мектебінің 9-сынып оқушылары үшін кітапхананың бөлімдері бойынша " Біз әрқашан достарымызға қуаныштымыз! Бізге қонаққа шақырамыз!" атты танымды және қызықты экскурсия ұйымдастырды, оның барысында балалар кітапхана құрылымы туралы, пайдалану ережелері және оқырман болу жолдары туралы білді. Қаирбай Жаркенқызы балаларды оқу залының көрме сөрелерінде ұсынылған оқушыларға арналған көркем, танымдық әдебиеттермен таныстырды. Балалар үшін "Әлемді КІТАП ашады" көрмесінде кітап жаңалықтарына шолу жасалды, онда анықтамалық басылымдар әмбебап энциклопедиялар мен сөздіктер, сондай – ақ түрлі жанрдағы көркем шығармалар-фантастика, детективтер мен шытырман оқиғалы әдебиеттер ұсынылды. Балалар жаңа мерзімді басылымдармен және «Oүla» ғылыми-танымал журналының танымдық ақпараттарымен, сондай-ақ рельефті-нүктелі қаріппен басылған "Алтын нүкте" журналдары ұсынылған кітапхананың нашар көретін және зағип пайдаланушыларына арналған бұрышпен танысты. Библиография күніне келушілер үшін "Бір ел – бір кітап" акциясы аясында екі қазақстандық автор Ж. Нәжмединов пен Т. Әлімқұловтың шығармашылығына арналған "Сөз жарығы: туған жер туралы екі жазушы» Қазақстандағы жұмысшылар жылына арналған , "Жұмысшы мамандықтар: үлкен мүмкіндіктер және жарқын болашақ", ҰОС Жеңісінің 80 жылдығына арналған "Соғыс туралы естелікті бізге кітаптар қалдырады" кітап көрмелеріне түрлі шолулар өткізілді. Библиография күніне қатысқан балалар өздерінің ақпараттық-библиографиялық мәдениетін арттырып, өздеріне қажетті ақпаратты кітапханамыздың қабырғасынан таба алады деп үміттенеміз.

 

 

• 
• 
• 
• 
• 
•