"Мемлекеттік тіл-тәуелсіздік символы" байқауы

5 қыркүйекте тілдер күніне орай аудандық кітапханада "Мемлекеттік тіл-тәуелсіздік символы" байқауы өтті. Байқауға қатысушылар рөлінде ауылдық кітапханашылар болды. Қатысушылар әртүрлі ұлттардың өкілдері болды. Қазылар алқасының құрамында ішкі саясат, мәдениет және тілдерді дамыту бөлімінің басшысының м.а. Қожахметова Ж. Б., өлкетану мұражайының директоры Таушарова М. Ж., толықтыру бөлімінің меңгерушісі Сақтанова Т.Е. Іс-шараның жүргізушісі Ақанбарақ ауылының ауылдық кітапханасының кітапханашысы Ибраева Г.Н. болды.

Байқау бірнеше тапсырмадан тұрды:" Жұлдызды сәт"," Сөздің көркі"," Ой ұшқыны","Ұшқыр сұрақ, ұшқыр жауап". Іс-шара барысында ұлттық киімдегі қатысушылар жұмбақтар шешіп, мақал-мәтелдерді еске алып, зияткерлік әңгімелер жүргізді, мемлекеттік тіл және этносаралық қарым-қатынас тілі саласындағы өздерінің ерекше білімдерін көрсетті. Байқауға қатысушылар қазақ, орыс, украин, беларусь тілдерінде өлеңдер мен әндер орындады. Ойынды қатаң қазылар алқасы қадағалап, қорытындысында жеңімпаздарды анықтады. Олар толықтыру бөлімінің кітапханашысы Ұ.П. Молдахметова, Крещенка ауылдық кітапханашысы Л. А. Сюткина болды. Жеңімпаздар мен қатысушылар естелік сыйлықтарға ие болды.

Іс-шара ойын түрінде және еркін жағдайда өтті. Іс-шара соңында барлығы бірнеше тілді білудің пайдасы туралы сөз сөйлеп, елімізде бұл үшін барлық қажетті жағдайлар жасалған деген пікірімен бөлісті.