«Батырдың есімі мәңгілік жадында» медиа портрет

Аудандық кітапханада 27 тамызда әдебиеттанушы, педагог, Кеңес Одағының батыры Мәлік Ғабдуллиннің туғанына 110 жыл толуына арналған «Батырдың есімі мәңгілік жадында» медиа портреті патриоттық іс-шара өтті. Мақсаты: Мәлік Ғабдуллиннің өмірі мен ерлігімен таныстыру, патриотизм сезімін, тарих пен ұлттық батырларға құрмет сезімін тәрбиелеу, сондай-ақ оның қазақ әдебиеті мен ғылымының дамуына қосқан үлесін көрсету.

Іс-шараның жүргізушісі, кітапханашы Д.Р. Сағымбекова қонақтарды жылы қарсы алып, Мәлік Ғабдуллиннің есімі еліміздің тарихына мәңгі алтын әріптермен жазылғанын атап өтті. Кездесу барысында қатысушылар батырлық пен батылдық әлеміне еніп кетті. Жүргізуші Мәлік Ғабдуллиннің өмірі мен қызметінің негізгі кезеңдері, оның Ұлы Отан соғысына батырлықпен қатысуы, ғылыми және педагогикалық жұмысы туралы айтып берді. Сирек фотосуреттер, деректі материалдар және естеліктерден алынған үзінділер тарихи дәуірге шомылу атмосферасын құрды. Қатысушылар үшін кейіпкер туралы деректі фильмнің үзіндісі көрсетілді.

Іс-шараға аудандық әскери комиссариат қызметкерлері мен Шал ақын ауданы мектептерінің алғашқы әскери дайындық мұғалімдері қатысты. Олар патриоттық тәрбиенің маңыздылығы, қазіргі заманда патриот болу деген нені білдіретіні туралы пікірімен бөлісті.

Іс – шара соңында қонақтар батырдың өмірі мен шығармашылығы туралы кітаптар, мақалалар мен материалдар ұсынылған «Мәлік Ғабдуллин-батырлық пен патриотизмнің үлгісі» атты кітап көрмесімен танысты.

Іс – шара жай ғана кездесу емес, нағыз батырларды еске алу мәңгілік екенін дәлелдеген батылдық пен руханилық сабағы болды.