Денсаулық к» атты бейнесаяхат

22 тамызда «Астана» қалалық саябағында Шал ақын ауданының орталық кітапханасы қызметкерлері ұйымдастырған «Здоровье в кадре» атты салауатты әдеттерге арналған жарқын әрі танымдық кітапханалық іс-шара — «Салауатты әдеттер әлеміне бейнесаяхат» өтті.

Іс-шараның басты мақсаты — салауатты өмір салтына назар аудару, денсаулыққа қамқорлық жасаудың қарапайым әрі қолжетімді жолдарын көрсету, сондай-ақ қатысушыларды көбірек қимылдауға, белсенді болуға және пайдалы әдеттер қалыптастыруға ынталандыру.

Бұл жолы кітапхана өз қабырғасынан шығып, оқырмандар мен қала тұрғындарын таза ауада кездесуге шақырды. Іс-шараға кітапхананың тұрақты оқырмандары, қала жастары және «Астана» саябағында демалып жүрген тұрғындар қатысты. Жазғы күн, ашық алаң және көтеріңкі көңіл-күй пайдалы әрі көңілді қарым-қатынасқа тамаша жағдай жасады.

Іс-шара жүргізушісі, кітапханашы С.Е. Айтимбетова қатысушыларға салауатты әдеттер, дұрыс өмір салты және күнделікті дене белсенділігінің маңызы туралы көптеген қызықты мәліметтер ұсынды. Ол қатысушыларды жай ғана сырттай бақылаушы болып қалмай, іс-шараға белсенді атсалысуға шақырды.

Шынында да, ешкімнің іштері пыспады! Үлкен экраннан денсаулық, спорт, дұрыс тамақтану және пайдалы әдеттер туралы қызықты әрі танымдық бейнероликтер көрсетілді. Ал бейнероликтерден алынған пайдалы кеңестерді қатысушылар бірден тәжірибеде қолданды: барлығы бірге танымал жаттығулар жасап, бой жазып, қимылдап, тіпті би ырғағына да қосылды.

Іс-шара барысында «Салауатты әдет – саулық кепілі» атты кітап-журнал көрмесі де ерекше назар аударды. Көрмеге денсаулық, сұлулық, белсенді өмір салты және сергектікті сақтауға арналған кітаптар мен журналдар қойылды. Сонымен қатар көрмеде сұлулық пен салауатты өмір салты туралы қызықты әрі қолжетімді пайдалы кеңестер ұсынылды.